ភ្នំពេញ ៖ បុរសម្នាក់ដែលជាអ្នកសារព័ត៌មានបានស្លាប់បាត់បង់ជីវិតភ្លាមៗនៅនិងកន្លែងយ៉ាងអាណោច អធម៌ បន្ទាប់ពីបុរសម្នាក់បានបើកម៉ូតូកង់បីឥណ្ឌាបត់ត្រឡប់ក្រោយមិនប្រយ័ត្នជ្រុលទៅបុកម៉ូតូជនរងគ្រោះពេញទំហឹង ៖ ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង១១និង៤០នាទីយប់ថ្ងៃទី៣០ខែមីនាឆ្នាំ២០២០ នៅតាមបណ្ដោយផ្លូវទន្លេសាប ត្រង់ចំណុចជិតអូរតែល សុខា ក្នុងសង្កាត់ជ្រោយចង្វារខណ្ឌជ្រោយចង្វារ រាជធានីភ្នំពេញ។
សពជនរងគ្រោះមានឈ្មោះ តុល ម៉ាត់ ភេទប្រុសអាយុ៤២ឆ្នាំ ជនជាតិខ្មែរឥស្លាម មុខរបអ្នកសារព័ត៏មានអង្គភាព KVPD NEWSស្នាក់នៅភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ មានស្រុកកំណើតភូមិឈើទើ ស្រុកស្ទឹងត្រង់ ខេត្តកំពង់ចាម ។
យោងប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសរងគ្រោះជិះម៉ូតូPCXពណ៌ស ពាក់ស្លាកលេខភ្នំពេញ1GU-5286 ដោយធ្វើដំណើរតាមបណ្តោយផ្លូវទន្លេសាប ទិសដៅពីជើងទៅត្បូង ខណៈមកដល់ចំណុចកើតហេតុ ជិតអូតែលសុខា ស្រាប់តែមានម៉ូតូកង់បីឥណ្ឌា មួយគ្រឿងពណ៌ស ពាក់ស្លាកលេខភ្នំពេញ1GR-4683 បើកបរដោយបុរសម្នាក់ ធ្វើដំណើរតាមបណ្តោយផ្លូវទន្លេសាប ទិសដៅពីត្បូងទៅជើង បញ្ច្រាសគ្នា រួចក៏បត់ឆ្វេងដៃត្រឡប់ក្រោយ ខ្វះការប្រុងប្រយត្ន័ក៏ជ្រុលទៅបុកម៉ូតូជនរងគ្រោះពេញទំហឹងបណ្ដាលឲ្យម្ចាស់ម៉ូូតូដួលបោកក្បាលនិងថ្នល់ស្លាប់ភ្លាមៗគួរអោយសង្វេក ។ ចំណែកម៉ូតូកង់បីក្រឡាប់ផ្ងារជើងមួយចំហៀង ខូចខាតតិចតួច ឯម្ចាស់រងរបួសស្រាល បានរត់គេចខ្លួន ចេញពីកន្លែងកើតហេតុបាត់ស្រមោល។
ក្រោយពេលកើតហេតុសមត្ថកិច្ចមូលដ្ឋានទាក់ទងសមត្ថកិច្ចជំនាញចុះវាស់វែងយកម៉ូតូកង់បីឥណ្ឌានិងម៉ូូតូជនរងគ្រោះទៅរក្សាទុកនៅការិយាល័យចរាចរណ៏ផ្លូវគោក រាជធានីភ្នំពេញដើម្បីកសាងសំណុំចាត់ការបន្តតាម និតិវិធីច្បាប់ ៕crnnews
