ជនសង្ស័យពីនាក់ក្នុងនោះម្នាក់ត្រូវសម្ថកិច្ចក្របួចបានក្រោយពីបម្រុងធ្វេីសកម្មភាពរួចទ្រព្យសម្បត្តិប្រជាពលរដ្

ខេត្តកណ្តាល)៖ ជនសង្ស័យម្នាក់ជាជនជាតិវៀតណាមត្រូវបានប៉ុស្តិ៍នគរបាលរដ្ឋបាលកំពង់សំណាញ់ឃាត់ខ្លួនចំណែកគូកនម្នាក់ទៀតរត់រួច ពាក់ព័ន្ធករណីប៉ុនប៉ងលួចហេតុការណ៍នេះកើតឡើងនៅថ្ងៃទី០២ ខែតុលា ឆ្នាំ២០២២ ម៉ោង០០និង៣០នាទី នៅភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល។

ជនរងគ្រោះ(មិនស្គាល់អត្តសញ្ញាណ)។
ជនសង្ស័យ០២នាក់៖
១-ឈ្មោះ ង្វៀង វ៉ង់វី ភេទប្រុស អាយុ ៣០ឆ្នាំ ជនជាតិវៀតណាម ស្នាក់នៅសង្កាត់ចាក់អង្រែក្រោម ខ័ណ្ឌមានជ័យ រាជធានីភ្នំពេញ
មុខរបរ៖មិនពិតប្រាកដ(ឃាត់ខ្លួន)។

២-ឈ្មោះ គី ភេទប្រុស អាយុ ២៦ឆ្នាំ ជនជាតិវៀតណាម
ស្នាក់នៅសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ មុខរបរមិនពិតប្រាកដ(គេចខ្លួន)។

សម្ភារៈបាត់បង់៖គ្មាន
វត្ថុតាងចាប់យក៖
១-កូនកាំបិតបត់ដងឈេីចំនួន១
២-កូនកន្ត្រៃតូចចំនួន១
៣-ដែកឆាបដងឈេីចំនួន១
៤-ដែកសម្រាប់ឆ្កឹះសោរចំនួន១
៥-កន្រ្តៃដែកដងពណ៌ទឹកក្រូចចំនួន១
៦-ដង្កាប់ដែកអូតូម៉ាទិចដងពណ៌ខៀវចំនួន១
៧-ទួណឺវីសដងពណ៌ខ្មៅចំនួន១
៨-កូនសោរលេខ8ចំនួន១
៩-កូនកាំបិតកាត់កញ្ចក់ពណ៌ផ្កាឈូកចំនួន១
១០-កូនកាំបិតកាត់ខ្សែភ្លេីងចំនួន១
១១-ម៉ូតូ ០១គ្រឿងម៉ាក AIR-BLADE ពណ៌ក្រហមខ្មៅ គ្មានផ្លាកលេខ
១២-កាបូបស្ពាយក្រឡាការ៉ូចំនួន១។

តាមសមត្ថកិច្ចឲ្យដឹងថាមុនពេលកើតហេតុកម្លាំងនគរបាលប៉ុស្តិ៍កំពង់សំណាញ់បានចេញល្បាតដល់ត្រង់ចំណុចផ្លូវបេតុងក្នុងភូមិកំពង់សំណាញ់១ ស្រាប់តែឃេីញជនសង្ស័យពីរនាក់ជិះម៉ូតូ១គ្រឿងងាកមេីលចុះឡេីងទៅផ្ទះរបស់ប្រជាពលរដ្ឋនៅតាមដងផ្លូវ។

ដោយមានការសង្ស័យក៏បានឃាត់ធ្វេីការឆែកឆេររកឃេីញវត្ថុតាងមួយចំនួនដូចខាងលេី យកទៅសាកសួរនៅប៉ុស្តិ៍កំពង់សំណាញ់។ ពេលនាំខ្លួនជនសង្ស័យទាំងពីរនាក់ទៅដល់ប៉ុស្តិ៍ថតរូបរួចដេីម្បីធ្វេីការសាកសួរស្រាប់តែជនសង្ស័យម្នាក់ឈ្មោះគីបានរត់គេចខ្លួនបាត់។

ឯជនសង្ស័យឈ្មោះ ង្វៀង វ៉ង់វី មិនព្រមឆ្លេីយសារភាពនូវសកម្មភាពបទល្មេីសរបស់ខ្លួននិងបក្សពួកឡេីយ គឺខ្លួនត្រូវបានឈ្មោះគីបបួលជិះម៉ូតូជាមួយដេីម្បីតាមរកប្រពន្ធគាត់ដែលបានចាកចេញពីផ្ទះបីថ្ងៃមកហេីយតែប៉ុណ្ណោះ។
ក្រោយសាកសួររួចជនសង្ស័យរួមទាំងវត្ថុតាងត្រូវបានបញ្ជូនមកកាន់អធិការដ្ឋាននគរបាលក្រុងតាខ្មៅដេីម្បីចាត់ការបន្តតាមនីតិវិធី៕