រាជធានីភ្នំពេញ÷ទីតាំងណេតអត់មានស្លាកយីហោមួយកន្លែងសង្ស័យបង្កប់ល្បែងស៊ីសងស្ថិតនៅតាមបណ្ដោយផ្លូវលេខ២៩ MC ក្នុងភូមិឬស្សី  សង្កាត់ស្ទឹងមានជ័យទី២ ខណ្ឌមានជ័យ  រាជធានីភ្នំពេញ  កំពុងតែបើកដំណើរការយ៉ាងរលូនដោយមិនមានអាជ្ញាធរសង្កាត់ឬប៉ុស្តិ៍ចុះមកត្រួតពិនិត្យក៏ដូចជាបង្ក្រាបម្ដងណាឡើយ។

តាមប្រភពព័ត៌មានបានលើកឡើងថាម្ចាស់ទីតាំងណេតមួយកន្លែងនេះមានខ្សែនិងខ្នងក្រាស់ណាស់បានជាអាជ្ញាធរថ្នាក់មូលដ្ឋានមិនហ៊ានលូកដៃឬក៏ចុះទៅបង្ក្រាបព្រោះខ្លាចធ្លាក់
បុណ្យស័ក្កពីលេីស្មារ។

ប្រជាពលរដ្ឋដែលមានលំនៅដ្ឋានក្បែរទីតាំងណេតសង្ស័យបង្កប់ល្បែងស៊ីសងនេះបានបញ្ជាក់បន្ថែមថាទាំងយប់ទាំងថ្ងៃក្រុមក្មេងស្ទាវចេញចូលៗពួកគាត់សង្សយ័អាចប្រេីប្រាស់គ្រឿងញៀណថែមទៀតផង ធ្វើឲ្យពួកគាត់ភយ័ខ្លាចនឹងពិបាកក្នុងការរស់នៅនិងរំខានដល់ដំណេកពួកគាត់យ៉ាងខ្លាំង។

តាមបទបញ្ជាររបស់នាយឧត្តមសេនីយ៍សន្តិបណ្ឌិត នេតសាវឿន អគ្គស្នងការនគរបាលជាតិ
បានដាក់បទបញ្ជាបំណាច់ឆ្នាំ២០១៩ តទៅរាល់ណេតទាំងអស់ត្រូវបានបិទជាស្ថាពរមិនឲ្យកើតមានតទៅទៀតឡើយ

ក៏ប៉ុន្តែពួកគាត់សង្កេតឃើញថាកន្លែងទីតាំងណេតនៅក្នុង  រាជធានីភ្នំពេញ  កំពុងតែបើកដំណើរការជាធម្មតាមិនរំខានដល់អាជ្ញាធរថ្នាក់មូលដ្ឋាននោះទេ
ប្រហែលជាអាជ្ញាធរមូលដ្ឋានឋានៈតូចជាងម្ចាស់ទីតាំងបទល្មើសទាំងនោះហើយមេីលទៅបានជាមិនហ៊ានបង្ក្រាប?

ពលរដ្ឋបានសំណូមពរដល់ឯកឧត្តម  ឃួងស្រេងអភិបាលរាជធានីភ្នំពេញ និងឧត្តមសេនីយ៍ឯក ស ថេត ស្នងការនគរបាល  រាជធានីភ្នំពេញ  ជួយមានវិធានការបង្ក្រាបទីតាំងនេះផងដើម្បីឲ្យប្រជាពលរដ្ឋរស់នៅដោយគ្មានការភយ័ខ្លាចតទៅទៀត៕ពូឃ្លោក